e Fabio Wolf Vist che oramai l’è quasi festa, in sta settimana ve voeurom consiglià on bel girett foeura de...
e Fabio Wolf Vist che oramai l’è quasi festa, in sta settimana ve voeurom consiglià on bel girett foeura de porta, minga propi chì de drée, ma addirittura in Svizzera, a Lugan, che l’è semper ona bella cittaa de visità cont el sò LAC, no el lagh d’acqua in comproprietà cont l’Italia, ma on grand center cultural internazional. Sott a la direzion del Carmelo Rifici per el teater e dell’Andrea Amarante per la musica el lavora sora la produzion artistica per fà incontrà i art. L’è dervìi del 2015, g’ha on museo d’art svizzera, el MASI, e l’è staa ideaa de l’architett Ivano Gianola, esponent de spicch de la Scola Ticines. La sala teatral la pò ospità fin a milla spettator e la g’ha on’acustica sorprendent. Propi chì gh’è in scena el musical pussé irriverent e anarchich de la storia del teater musical, el leggendari “Rocky Horror Show” del genial Richard O’Brien in d’ona noeuva produzion del regista de Broadway Sam Buntrock. Del sò debut in del 1973 in d’on piccol teater de Londra, el musical l’è diventaa on fenomeno mondial, on inno rock a la libertà, el pussé longev de la storia del spettacol, cont quarant’ann de repliche. El sò messag de accettazion del divers e de la propria originalità l’è ancammò attual in d’ona societaa che l’è dominada de l’intolleranza e del conformism. Savii che l’è ispiraa al “Frankenstein”? Anca nialter Duperdu semma dree a studia el romanz de la Mary Shelley per el noster prossim progett e allora… corrom all’estero!