Marta M. Marangoni
e Fabio Wolf
El primm de settember el Museo de Storia Natural di Giardin Pubblich el fa 178 ann!
El noster bell Museo l’è staa el primm in Italia.
In del 1893 el architett Giovanni Ceruti el se ispira ai grand musei de Vienna e de Londra: stil neogotich, però cont i terracott nostrani de la ditta Candiani.
Quand l’è staa fondaa in del 1844 el Museo l’era in via Santa Marta, in del Ex Convent. Direttor l’era el famos botanich austroungarich Giorgio Jan, vun di maggior studios de serpent del mond; tu pensa che ona quaj bissa la g’ha anca el sò nomm.
La collezion la se ingrandiss e gh’è besogn de spazi pussè grand: palazzo Dugnani in via Manin in del 1863 e trent’ann dopo finalment on palazz tutt per luu.
In del 1943 le bombarden e ghe voeuren des ann per tral insèma ancammò.
Incoeu l’è vun di pussè important d’Europa cont trii milion de meravili natural de tutt i gener: animal, piant, insett e mineral.
Cont 23 sal e pussè de cent diorami, l’è la collezion pussè granda del “Bell Paes” e disemm bell paes in omagg alla statoa del Stoppani che l’è lì dinnanz.
On scrign prezios, el gh’è anca "il primo dinosauro in 3D della storia museale mondiale".
Ona curiosità: el famos Triceratopo, beniamin di fiolett, l’è staa costruii in del 1970 del vulcanich studios Luciano Menghi, propi chì a Niguarda in de la cà indove vivomm nialter Duperdu!
Allora milanes, andemm tucc al Museo per godè ancammò on ciccinin de natura primma de tornà a lavorà.
* I Duperdu