Montgomery Clift in “Io confesso” di Hitchcock
Milano, 14 novembre 2017 -
Ogni settimana lo sguardo di Roberto Brivio affilato in decenni di satira, esercitata come attore, scrittore e chansonnier, illuminerà angoli della Grande Milano di oggi: i suoi vizi, le sue virtù e soprattutto la sua gente, da raccontare con irriverenza e tenerezza, come sa fare lui. E in lingua madre: il dialetto milanese.
Ciàppa on giornal, Il Giorno, per esempi, quell de domenega 12/11 in doa al gh’era el me articol ch’el finiva cont ona milanesada de nom di baltrocch, dag ona pensada e te se rendet cunt che hoo riportàa on serie de soranomm che in milanes a fann ridd pussè che scandalizzà. Vàrda inveci a la television, on programma che quand l’era su Rai 3 el faseva quasi 4 milion de telespettator e che adess che l’hann spostà su Rai 1, l’è nanca in classifica, che voeur dì avegh nanca 1.500 000 telespettaor. Han cancellà programm (ne recordi vun del Banfi) che ne faseva 3 de milion, ma quest chi se po’ no levall via, se de no el conduttor e la soa compagna che fan ridd domà l’assistente di studio quand el mett el cartell “risate”, dovarissen diminuiss la paga. Cerchii de trovà in ona quaj manera la puntada de Domenega per sentì e vedè l’ intervista a gent dal cognomm on po’ fort. Ne disi on quaidun, on esempi immaginari per minga toccà chi ha rivelà giamò la soa parentèlla, disemm eccentrica, firmand la liberatoria. Es. Lorin Cagon, Armuar Caccola, Fresca Pissa. O giò de lì. I proprietari di sti nomm ( ripeti tirà giò a cas come esemplificazion) rispondeven sorrident, content de vess ciamà, sicur de trovà al di dopo gent che i e fermava per dì: T’ho vist, Cagon. Te seret insema a on bel duo, el Caccola e la Pissa. Abitii tucc e trii al cess? (intemperanza comica alla Colorado)
Ghe de sbalordiss che la gent davanti alla telecamera la se tira giò i mudand incurante se chi la varda l’è on vecc, un giovin innocent (innocent?!), ona mamma, on papà, on pret, on alt politich, el visin de cà. In di ann ‘60/70 l’Ettore Andenna el presentava su A3 el programma La Bustarella in doa ona squadra de donn se scambiava el reggipett o i mudanditt, o i calz de nylon, cont alter donn, mostrand nel fall on bendidio tegnù semper nascost per pudor. Tanti benpensant diseven che l’era scandalos vedè tutt quell dass de fa per mostrà ona tetta, ona coscia, ona ciappa. La trasmission l’andava a mill, i donn eren soddisfàa e el dì dopo se vergognaven no se on quaivun ghe vosava a drè opinion, giudizi, compliment, voeja de stagh insema. “T’hoo vista in television!” L’aveva partecipàa a on gioeugh che se fudess stàa , allora, instagramm, postand ona foto de quej, la sarìa diventada celebre. E adess sarissen nella posizion de partenza a faa ona denuncia per molestie. “M’ha faa sbiotttà, mi voeurevi no. Hoo scambià el reggipett che l’era nanca de la mia misura, davanti al pubblic real e a quell virtual!” Virtual in quei temp se saveva nanca cossa el fuss. Ghe de sbalordiss che personagg del mond di artist faghen denonzia per i toccament sessual, quand tutt el mond le sa, e anca lor, che l’è ona veggia storia vista anca in di film de Toto’, de Franchi Ingrassia, de Banfi. Ghe de sbalordiss a senti’ la storia de quel pret che l’ha dit la soa su lo stupro. Lo stupro l’è de condannà, porca sidela! la prepotenza del macho la va’ punida, el branco el va sbrancaa anca nel nomm, e inscì i lov solitari, vacca boia! Dato che l’omm l’è ‘na bestia che la ragiona no, el nomm stess po’ vess motiv de vanto. Me pareva che ona volta la Tv la gh’avess no ona inscì bondanzosa offerta de violenza, pari in di gossip (che se ciamaven no insci’), e in di film. Ma forsi la mia memoria la sta perdend i colp. Adess gh’è de sbalordiss, me par del veghel giamò dit, nel vedè sto gran desideri de mett in piazza affari che ona volta eren segret. Gh’èm de sbalordiss a constatà che attris su la cresta dell’onda rivelen quell che ona volta diseven domà in confessional. “Me sont regalada per rivà e adess che sont rivada, a longa distanza de ann, disi pubblicament quell che hoo dovu subì”. A meno che el sia on calcol per guadagnass a soa volta on po’ de celebrità!
Me sbaloriddi no se senti l’esigenza (basta cont i rampogn) de scriv anmò i calambour d’on temp, e inscì alleggerì l’articol. A proposit de mudand “ E’ inutile chiamarle mutande se non ve le cambiate mai”; conduttor tv all’attrice: “quali sono i migliori anni della tua vita sessuale?” “ quei dieci che vanno dai 28 ai 30”; a proposito de anomalii “ il cieco non teme l’infarto, occhio non vede, cuore non duole”; religiosa “quando il tempo stringe…fa un male della madonna” ; sportiva “ Considerato l’alto livello di inquinamento del litorale marittimo, consigliamo a tutti i villeggianti la cacca subacquea”; avvis pubblich “ si avvertono gli anticlericali che pio bove non è un papa”; cronaca “il premio Nobel per la pazienza è stato assegnato ad un vecchio biliardo di periferia. Motivazione: sono trent’anni che gli fanno girare le palle”; lader “prima si prese la Giulia, poi la Flavia, indi la Mercedes, per ultima si prese la Rosolia e morì”; povertà “ Il vostro amico Pino sostituirà quest’anno l’albero di Natale”; massima “ talvolta succede che anche l’uomo più prudente perda la testa” (dal diario di Robespierre); storia “Polifemo viveva in un paese dove la roba costava un’occhio della testa”; attualità “molestie sessuali, Brizzi in trincea: Asia Argento lo sfida: querelaci tutte” ; do meter de Bud Spencer in statoa a Budapest, sul basament la scritta de Terence Hill “ Non abbiamo mai litigato”. Nel legg la notizia on fioeu el m’ha domandà “ E allora perché si sono sciolti?”; salute “El Glutine rivalutaa. La colpa de tutt l’è el Glifosato. Podom mangià ancamò la pastina glutinata. Peccaa che sotta el nomm, visin, “Celiachia” ghe sia on comment contrari, se hoo ben capii. “quali sono i rischi?” “Innanzitutto si sta male, poi continuando a mangiare glutine si possono sviluppare complicanze…” la verità? A l’è come el dis Alberto Casiraghi in vun di so’ librett stampàa a man“E’ un rinoceronte che dorme”. Perché? Stess liber, stess inventor “La somma di tutti i perché è solo l’inizio” e per finì in on moment che del Marzullo el gh’ha l’impronta “Dove il cielo finisce inizia tutto il resto”.